ليلة امبارح و بعد قرار ترامب الغريب بسحب قواته فورا من سوريا ... بعكس رأي وزير الدفاع و تقريبا بدون مشورة أحد داخل الادارة.. وزير الدفاع الجنرال جيم ماتيس الملقب بالكلب المسعور ... استقال و سابها له مخضرة ... حتى الكلاب المسعورة رافضة ترامب و بتقول ده جاموسة هيودي أمريكا في داهية :) حسب رأي الخبراء.. ماتيس - مع انه كلب مسعور- ده كان اخر واحد عنده خبرة (بالغ مش عيل) كان ممكن يمنع جنون ترامب ... و كان الضمانة للعالم ان ترامب مش هيدوس على زرار النووي او يشعل حرب عالمية ... و ده مش اول واحد من اختيارات ترامب و اللي اصلا عليهم علامات تعجب كبيرة من تشددهم أو علاقاتهم المريبة ... يستقيل او يترفد ... وزير الخارجية السابق اللي رفده ترامب لسه في لقاء تليفزيوني من كام يوم حذر الامريكان من ترامب و تصرفاته و قال عليه انه جاهل مغرور بيكره القراءة .. المصيية الأكبر لترامب ان حتى مؤشرات الاقتصاد اللي اتحسنت في عهده بدأت تتعكس ... سهر ديسمبر مثلا البورصة خسرت كل اللي كسبته في 2018 و مؤشرها انهار بطريقة لم تحدث منذ الازمة العالمية 2008 ... ده غير الميزان التجاري اللي سجل عجز صخم و قياسي علي حساب امريكا رغم كل التدابير و الجمارك اللي فرضها ترامب على الصين و دول تانية .... كل ده بيخلي مولر و فريق التحقيق بتاعه يشتغلوا بقلب جامد و يخيطوا بدلة سجن تليق بمقام و تخن ترامب .... و خلاص الجو و الرأي العام الامريكي اصبح مهيء بشكل كبير ليه ... و كل يوم بيعدي و ترامب في الحكم فعلا امريكا بتخسر في كل الاتجاهات ... بس المشكلة ان فعلا احتمالات نشوب حرب عالمية كبيرة دلوقتي بقى كبير جدا بعد مغادرة (البالغين) و ترك ترامب المجنون لوحده ... سفن امريكا و طائرتها بتحوم حوالين و قرب بحر الصين الجنوبي اللي الصين بتعتبره بتاعها و سلحته ... و حذرت اكثر من مرة المدنرات الامريكية من الاقتراب مرة اخري من اراضيها و مياهها الإقليمية ... في الوقت نفسه ترامب بيسقط اكبر العقوبات الاقتصادية المفروضة على روسيا و بيسيب ليهم سوريا ياخدوا راحتهم فيها .... ....